Комитет төрағасы Ілияс Оспановтың басшылығымен өткен жиында аймақ қызметінің негізгі көрсеткіштері баяндалып, инвесторлардың жаңа жобалары таныстырылды, деп жазады inbusiness.kz.
Мысалы, АЭА аумағында полиграфиялық бояулар өндірісін іске қосу қарастырып жатыр. Жаңа кәсіпорында 65 жұмыс орны ашылмақ. Инвестиция көлемі 5,471 млрд теңгені құрайды.
Шетелдік компания икемді қаптаманы өндіруге арналған шығыс материалдары нарығында 2009 жылдан бастап жұмыс істеп келеді. Осы жылдар ішінде компания жеткізілетін өнімнің мінсіз сапасын және тұтынушыларға техникалық қолдау көрсетуді қамтамасыз ете отырып, жауапты және сенімді серіктес ретінде беделге ие болды.
Сондай-ақ, екінші жоба, мөрі бар икемді қаптама өндірісін іске қосу қарастырылуда. Жоспарланған инвестиция көлемі - 5,016 млрд теңге, 70-ке жуық жаңа жұмыс орны құрылмақ.
Бүгінде полимерлі қаптамалар әлемдегі жетекші полимер өндірушілердің жоғары сапалы, сертификатталған шикізатын қолдана отырып жасалады.
Өз кезегінде Индустриялық даму комитетінің төрағасы Ілияс Оспанов аталған жобалардың маңыздылығын және іске асыру кезінде қолдау көрсетуге дайын екендігін атап өтті.
