Украинаның Жоғарғы радасына Ресей музыкасын шектеу туралы заң жобасы енгізілді, деп хабарлайды inbusiness.kz.
Парламент сайтында жарияланған ақпаратқа сәйкес, құжат Украинаның кейбір заңдарына өзгеріс енгізуді қарастырады. Яғни бұл заң жобасы ұлттық музыкалық өнімді қолдау және Ресейде шығарылған музыкалық өнімді көпшілік алдында пайдалануға тыйым салуға бағытталған.
Заң жобасы Парламент басшылығының қарауына жіберілді. Бірақ оның мәтіні әзірге жарияланбады. Бұл бастаманы ұсынған – "Слуга народу" партиясының депутаттары.
6 сәуірде Жоғарғы Радада Украина қалаларындағы нысандарға Ресейге, оның тарихы мен қайраткерлеріне байланысты атаулар беруге тыйым салу туралы заң жобасы тіркелген болатын.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
