"Республикалық референдум процесі қалыпты жағдайда өтіп жатыр. Бүгінге бұзушылықтың 2 фактісі анықталды. Біріншісі – жеке тұлғамен қоғамдық пікірге заңсыз сауал жүргізуге қатысты. Ол Әкімшілік құқықбұзушылық туралы кодекстің 120-бабының 3-бөлігі бойынша жауаптылыққа тартылды. Оған тиісті айыппұл салынды. Екіншісі – заңсыз үгіт. Мұнда азаматтық тұлғаға қатысты осы кодекстің 102-бабы бойынша айыппұл салынды. Екі жағдайда да құқық бұзушылар өз кінәларын мойындады", – деді ол.
Өкіл дауыс беру күні мұндай сауал салуды таратуға және кез келген үгіт-насихат жүргізуге тыйым салынатынын баса айтты.
"Қазіргі уақытта прокуратураларға референдумға қатысты жолданымдар мен сотқа талап-арыздар түскен жоқ", – деп атап өтті ол.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
