Renault автокөлік өндірушісі 2020 жылы 8 млрд еуро көлемінде шығынға ұшырады, деп хабарлайды Inbusiness.kz корпорацияның ресми мәлімдемесіне сілтеме жасап. Бұл компания тарихында болмаған жайт.
Renault екінші жартыжылдықта шығынды сәл азайтқан. Осы кезеңдегі айналым капиталы 8,9%-ға кеміп, ал таза шығын 660 млн еуроға жеткен. Сонымен қатар көліктерді сату көрсеткіші 21,3%-ға төмендеген.
Корпорация басшысы Лука де Меоның айтуынша, 2021 жылы компания қиындықтарға тап болады. "Санитарлық дағдарыс және электронды компоненттермен қамтамасыз етуге байланысты белгісіздік орнап отыр", – деді ол. Осы орайда корпорация 2021 жылға арналған болжамын жариялаудан бас тартты.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
