Ресей Федерациясы алдағы айларда Украинаның екі қаласына, яғни Николаев пен Запорожьеге шабуыл жасамақ.
Бұл туралы Николаев облыстық әскери әкімшілігінің басшысы Виталий Ким мәлім етті, деп хабарлайды inbusiness.kz УНИАН агенттігіне сілтеме жасап.
Оның айтуынша, әзірге Ресей өз әскерін сол аймақтарға көптеп шоғырландырып жатқан жоқ. Алайда ол жағдайдың күрт өзгеріп кетуі мүмкін екенін жоққа шығармады.
"Алдағы айларда, менің ойымша, олар Запорожье мен Николаевқа шабуыл жасауы мүмкін", – деді ол.
24 ақпаннан бері Ресей тәуелсіз Украина мемлекетінің шығысы мен оңтүстігіндегі бірқатар елді мекенді бақылауына алды. Украина Қарулы Күштерінің Бас штабының мәліметі бойынша, осы күнге дейін 31 500 ресейлік әскери жер жастандырылды.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
