Ресей баға шегін белгілейтін елдерге мұнай сатпайды. Бұл туралы бейсенбі күні Ресей Федерациясының вице-премьері Александр Новак мәлімдеді.
"60$ болсын, басқа сома болсын Ресей баға шегін белгілейтін елдерге мұнай беруден бас тартады. Мұны біз нарықтық құралдарға араласу деп білеміз", — деді ол "Россия-1" телеарнасының эфирінде.
Новак Ресей нарық жағдайында тұтынушылармен жұмыс істеуге дайын екенін атап өтті.
Ол сондай-ақ Еуропаға қосымша энергия ресурстарын жеткізу қажет екенін атап өтті, бірақ саясаткерлер қателіктерін елемей, толық көлемде пайдаланылмайтын немесе мүлдем қолданылмайтын "Ямал — Еуропа", Украинаның газ тасымалдау жүйесі (ГТС) мен "Северный поток-2" газ құбырларынан келетін ресейлік отынға деген қажеттілікті мойындамай отыр.
Сонымен қатар, Ресей Федерациясының вице-премьері АҚШ-қа ресейлік мұнай бағасының шегін талқылаудың орнына Еуропаға жеткізілетін сұйытылған табиғи газ үшін price cap (баға шегі) туралы ойлануға кеңес берді.
"Дәл сол сұйытылған табиғи газ Еуропаға АҚШ-тағы өнеркәсіпшілер үшін қойылған бағадан төрт есе жоғары бағамен жеткізіледі. Яғни Еуропаның энергетикалық кедейлікке енуіне жағдай жасап отыр", - деп қорытындылады Новак.
Бұған дейін Ресей президенті де энергетикалық ресурстарды шекті баға белгілеген елдерге сатуға жол берілмейтінін жеткізді. Президент сондай-ақ "баға шегі" тәжірибесі басқа салаларға қолданылмайтынына және тек Ресейге қарсы пайдаланылмайтынына кепілдік жоқ екенін айтты.
