Ресей үкіметі бензин экспортына қойылған тыйымды 2027 жылдың 31 қаңтарына дейін ұзартты, деп хабарлайды inbusiness.kz сайты.
Сонымен қатар дизель отынын, кеме отынын және газойл экспорттауға қатысты шектеулер 2026 жылдың 1 қыркүйегіне дейін күшінде болады.
"Рейтерстің" хабарлауынша, Ресейде бензин өндірісі қатарынан үшінші ай сұраныс деңгейінен төмен қалып отыр. Шілде айында бұл айырмашылық 700–800 мың тоннаға жеткен.
Ресей – әлемдегі ірі мұнай экспорттаушы елдердің бірі. Бірақ қазір сол елдің өзінде жанармай тапшылығы күшейіп, ондаған өңірде бензинге шектеу енгізілді. Бекеттерде ұзын-сонар кезек, баға өсіп жатыр.
Бұған негізгі себептердің бірі ретінде Украинаның Ресейдегі мұнай өңдеу зауыттарына жасаған дрон соққылары аталып отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
