Құбырлар мен баға мәселесі шешілсе Ресей Қазақстан мен Орталық Азияға газ жеткізу көлемін алдағы бес жылда 2,1-2,2 есеге арттырады, деп жазады inbusiness.kz сайты "Нефть и газ Казахстана" телеграм-арнасына сілтеме жасап.
2030 жылға қарай Ресейден Орталық Азия елдеріне жеткізілетін табиғи газ көлемі жылына 19-20 млрд текше метрге дейін ұлғаюы мүмкін. Бұл 2024 жылмен салыстырғанда 10-11 млрд текше метрге көп. Бұл туралы "Газпромбанк" экономикалық болжау орталығының баяндамасында жазылған.
Күтілетін өсім көлемі:
- Қазақстанға – 2–2,3 есе: жылына 3-тен 6-7 млрд текше метрге дейін;
- Өзбекстанға – 2,1 есе: 5,6-дан 12 млрд текше метрге дейін;
- Қырғызстанға – 2 есе: 0,5-тен 1 млрд текше метрге дейін.
Екінші мәселе – газдың ішкі бағасы. Қазақстанда газ ұзақ уақыт бойы әлеуметтік тауар ретінде қалып, өндіріс пен тасымалдау құнынан арзан болды.
Бұл жағдай өзгереді: 2025 жылдың шілдесінен бастап министрлік үш жыл бойы газдың көтерме бағасының шекті деңгейін жыл сайын 33%-ға көтеруді жоспарлап отыр.
