7 қарашаға қараған түні Ресей Еуропадағы кәдімгі қарулы күштерді шектеу туралы шарттан шығу рәсімін аяқтады, деп хабарлайды inbusiness.kz сайты РИА Новости жаңалықтарына сілтеме жасап.
"2023 жылдың 7 қарашасында сағат 00:00-де Ресейдің осы шарттан шығу процессі аяқталды. Осылайша, 2007 жылы біздің еліміз тоқтатқан халықаралық-құқықтық құжат біз үшін тарихта қалды", - делінген Ресей сыртқы істер министрлігінің ресми мәлімдемесінде.
Сондай-ақ, Ресей сыртқы істер министрлігі елдің Солтүстік Атлантикалық Альянс елдерімен қару-жарақты бақылау саласында қандай да бір келісімдер жасасу мүмкіндігін көрмейтінін атап өтті. Себебі, бұл блоктың мемлекеттері “Өздерінің келіспеушіліктерін айқын көрсетті”.
Еске сала кетейік, Ресей Федерациясы шартты 1992 жылдың шілдесінде ратификациялады, ал 2007 жылдың шілдесінде ол тоқтатылды. Бұдан бөлек, Ресей СІМ басылымында Владимир Путиннің “Мюнхен сөзінің арнасында” Еуропадағы кәдімгі қарулы күштер туралы шартты тоқтатуы атап өтілді.
