/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 383,45 Brent 36,55
Ресей халықаралық әуе қатынасын тоқтатпақ

Ресей халықаралық әуе қатынасын тоқтатпақ

Тек шетелдегі ресейліктерді елге тасымалдауға рұқсат етілмек.

26 Наурыз 2020 14:59 272

Ресей халықаралық әуе қатынасын тоқтатпақ

Ресей халықаралық әуе қатынасын тоқтатпақ. Ел үкіметінің баспасөз қызметінің дерегі бойынша, шешім 27 наурызда күшіне енеді. 

Сонымен қатар індет өршіп тұрған елдерден қайтарылатын ресейліктер коронавирусты анықтайтын тестен өтетін болды. Олардың температурасы тексеріліп, инфекцияның бар-жоғын анықтайтын анализдер жүргізіледі. Және олар 14 күндік үй карантиніне жатқызылатын болады.

Соңғы мәлімет бойынша, Ресейде вирус жұқтырғандардың саны 658-ге жетіп, адам қайтыс болды. 29 кісі аурудан айыққан. 90 мыңдай тұрғын қазір дәрігерлердің бақылауында. Індеттің таралуын тежеу мақсатында ел президенті Владимир Путин келесі аптаны демалыс деп жариялады. Демалыс 28 наурыздан бастап 5 сәуірге дейін жалғасады, қызметкерлердің осы уақыт аралығындағы жалақысы төленеді. 

Табиғат Нұрболат

Еуроодақ коронавируспен күреске 140 млн еуро бөледі

Осы орайда ЕО елдері енді  G7 және G20 мемлекеттерімен серіктестік орнатпақ.

27 Наурыз 2020 12:29 217

Еуроодақ коронавируспен күреске 140 млн еуро бөледі

ЕО коронавирус пандемиясымен күреске, Covid-19 вирусына қарсы вакцина жасап жатқандарға 140 млн еуро көлемінде қаражат шығындамақ. Одақ көшбасшылары қазіргі жағдайды талқылай келе, еуропалық зерттеу компанияларына бөлінетін қаржы көлемін көбейтетін болып шешті. 

«ЕО ішінде, сонымен қатар басқа елдер арасында ғылыми ақпаратпен алмасу жүргізілу керек. Және вакцинаны тез арада шығару мақсатында бірлесе жұмыс атқарылып, препараттар әлемнің кез келген еліне қолжетімді болуы тиіс», – деп жазылған Еуропалық кеңестің ресми мәлімдемесінде.

Осы орайда ЕО енді  G7 және G20 мемлекеттерімен серіктестік орнатпақ. Сондай-ақ одақ елдері алдағы екі апта ішінде Еуропалық кеңеске коронавирус пандемиясының әлеуметтік және экономикалық салдары бойынша өз ұсыныстарын айтуға тиіс.

Табиғат Нұрболат

Коронавирус: G20 саммитінің қорытындысы

26 наурызда G20 елдері басшыларының саммиті алғаш рет видео конференция форматында өтті.

27 Наурыз 2020 10:20 251

Коронавирус: G20 саммитінің қорытындысы

Тараптар коронавируспен күрестегі бірлескен әрекеттер мен пандемияның экономикалық салдарын талқылады. 

Олар мынадай келісімге келді:
- Коронавирус пандемиясымен бірлесе күрес жүргізу;
- Індет салдарымен күреске 5 трлн доллар бөлу;
- Халықаралық сауданың тұрақты және еркін жүргізілуін қамтамасыз ету үшін бірлесе жұмыс атқару;
- Дүниежүзілік денсаулық сақтау ұйымы, БҰҰ және Халықаралық валюта қорымен бірлесе індетке қарсы күрес жүргізу;
- ДДҰ-на қаржылай көмек көрсету;
- Коронавирус пандемиясы кезінде ДДҰ-ның өкілеттігін кеңейту;

Сонымен қатар G20 елдері Халықаралық валюта қоры мен Дүниежүзілік банкті пандемия салдарына қатысты мәліметтермен бөлісуін сұрап, Халықаралық еңбекті ұйымдастыру және экономикалық ынтымақтастық пен даму Ұйымына пандемияның жұмыс орындарына қалай әсер етіп жатқанын қадағалауды тапсырды.

Табиғат Нұрболат