23 маусым күні Ресей Қауіпсіздік кеңесінің хатшысы Николай Патрушев Қазақстанға келеді, деп жазады inbusiness.kz ria.ru сайтына сілтеме жасап.
Патрушев Орталық Азия елдері мен Ресейдің қауіпсіздік тақырыбы талқыланатын іс-шараларға қатысады. Бұл туралы Ресей Федерациясының Қауіпсіздік Кеңесі Аппаратының баспасөз қызметі хабарлады.
"Алматыда қауіпсіздік мәселелері бойынша кезекті ресейлік-қазақстандық консультациялар өтеді", - деп жазылған хабарламада.
Жұма күні Орталық Азия және Ресей елдерінің қауіпсіздік кеңестері хатшыларының бірінші кездесуі өтеді. Мұнда қазіргі жағдайдағы аймақ пен Ресейдің қауіпсіздігін қамтамасыз ету мәселелері талқыланбақ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
