Ресейдің "Аэрофлот" әуе компаниясы халықаралық бағыттағы тұрақты рейстерді тамыз айының соңына дейін кейінге қалдыратынын мәлім етті. Бұл тізімде Қазақстанның тоғыз қаласы бар.
"Халықаралық рейстер бағдарламасын түзету туралы шешім рейс жасалатын елдердегі эпидемиологиялық жағдайды ескеріле отырып қабылданды", – деп жазылған ресми мәлімдемеде.
31 тамызға дейін Ақтау, Ақтөбе, Алматы, Атырау, Қарағанды, Қостанай, Қызылорда, Нұр-Сұлтан, Шымкент қалаларына рейстер жүргізілмейді. 2020 жылдың 1 мамырынан кейін билет алғандардың ақшасы қайтарылады. Ал бұл уақытқа дейін билет сатып алғандарға ваучер рәсімделеді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
