2023 жылдың қорытындысы бойынша Ресей Сауд Арабиясынан озып, Қытайға шикі мұнайдың ірі жеткізушісі атанды. Бұл туралы Reuters агенттігі Қытай кедендік деректеріне сілтеме жасап жазады, деп хабарлайды inbusiness.kz сайты.
Осы мәліметтерге сәйкес, 2023 жылы Ресей Федерациясынан Қытайға 107,02 миллион тонна мұнай жеткізген, яғни тәулігіне 2,14 миллион баррель. Мұндай көрсеткіш — Қытай-Ресей қатынастары тарихындағы жанармай жеткізілімінің рекордтық сомасы және бұл сан Қытай-Сауд Арабиясы мен Ирактағы басқа мұнай экспорттаушыларға қарағанда әлдеқайда көп, деп атап өтті агенттік.
Бұл ретте ҚХР Сауд Арабиясынан мұнай сатып алуды Ресей Федерациясының пайдасына - 1,8 пайызға (85,96 млн тоннаға дейін) азайтты. Алайда 2023 жылы Қытайға шикі мұнайдың жалпы импорты рекордтық 563,99 миллион тоннаға дейін өсті, деп жазады Reuters.
