"Осылайша, жұма күні Рубцовск (Алтай өлкесі) арқылы Семейге жалғыз автобус жүретін болады, барлық билет сатылып кетті. Бұрын Қарағандыға да автобус қатынайтын. Қазір ол да жүрмейді", – дейді Томск вокзалының қызметкері.
Ол аталған бағыт бойынша жолаушылар тарапынан сұраныс барын, автобус рейсінің неге тоқтағаны белгісіз екенін атап өтті.
"Бүгінде автобус жолаушыларды Қазақстан шекарасына дейін жеткізеді. Кейін олар сол жерден басқа автобусқа отырады", – дейді вокзал қызметкері.
Қазақстандағы Ресей елшілігінің дерегінше, қазіргі таңда ресейліктер мен шетел азаматтары Қазақстанға тек әуе рейстерімен келе алады. Алайда Ресей азаматы шекарадағы өткізу пункттері арқылы елге өткісі келсе, оған нақты себеп болу керек. Мысалы, этникалық қазақ болуы, ауыр дертке шалдыққан туысын күту, жақын туысын жерлеу, елде тұруға ықтиярхаттың болуы және тағы басқа.
