Ресей мен Қытай арасындағы тауар айналымы 2021 жылдың бірінші жартысында 28,2%-ға күрт өсті, деп хабарлайды Inbusiness.kz ҚХР-дың бас кеден басқармасына сілтеме жасап.
Маусым айында қос ел арасындағы сауда көлемі 12,2 миллиард долларға жетті. Бірінші жарты жылдықта Ресейдегі экспорт 38,4%-ға өсіп, 28,9 миллиард доллар болды. Ресейлік тауарлар мен қызметтердің импорты 20,6%-ға артып, 34,1 миллиард долларға дейін жетті. Өткен жылы екі ел арасындағы сауда көлемі 2,9%-ға (107,7 миллиард долларға дейін) төмендеген еді.
Маусым айында Ресей президенті Владимир Путин Қытаймен арадағы тауар айналымы рекордтық деңгейге жететінінен үмітті екенін мәлімдеген болатын. Жалпы, алыс-беріс үнемі өсіп келеді. 2001 жылдан бері Қытай мен Ресей арасындағы өзара тауар айналымы 14 есеге артты.
Бұған дейін қос тарап екіжақты мәмілелерде долларды пайдалануды 46%-ға дейін төмендеткені туралы хабарланды. Мысалы, 2015 жылы мәмілелердің шамамен 90%-ы америкалық валютада жүргізілді. Сарапшылардың пікірінше, олар әлемдік нарықтарда америкалық валютаның үстемдігін бәсеңдетуді көздеп отыр.
Табиғат Нұрболат
