Түркияда газ хабын құру Мәскеу мен Анкара арасындағы қай тарап оны басқаратыны туралы келіспеушіліктерге байланысты кейінге қалдырылды. Бұл туралы Reuters жағдаймен таныс екі дереккөзге сілтеме жасап хабарлады, деп жазады Inbusiness.kz.
"Басқару мәселелері бар, олар хабтыі тізгіні үшін күресіп жатыр", - деді агенттіктің сұхбаттасушысы.
"Газпромға" жақын тағы бір дереккөз басқару саласында "проблеманың" бар екенін мойындады. "Газпром" мен түрік Энергетика министрлігінің өкілдері Reuters-тің түсініктеме беру туралы өтініштеріне жауап берген жоқ.
Ресей президенті Владимир Путин 2022 жылдың қазан айында Ресей отынын Еуропаға жеткізу үшін Түркияда газ хабын құруды ұсынды. Оның пікірінше, бұл жарылған Балтық теңізіндегі "Солтүстік ағын" газ құбыры арқылы транзиттің жоғалған көлемін өтеуге мүмкіндік береді.
4 қыркүйектегі Сочидегі келіссөздердің қорытындысы бойынша Путин "Газпром" хаб құру үшін жол картасының жобасын түрік Botas компаниясына тапсырғанын хабарлады. Алайда, оның айтуынша, бірлескен жұмыс тобын құру, хабтың жұмыс істеуінің құқықтық негіздерін және "сауда-саттықты жүзеге асыру және сатып алынған газды беру схемаларын" келісу қажет.
