Ресей Еуропаға жеткізілетін мұнай мен газды Азияға сатуды жоспарлап отыр, деп хабарлайды inbusiness.kz "Коммерсантъ" басылымына сілтеме жасап.
Ресей Президенті Владимир Путин үкіметке 1 маусымға дейін тиісті инфрақұрылым салу жоспарын ұсынуды тапсырды.
Ресей басшысы экспортты әртараптандыруды, оны оңтүстік және шығыс бағыттарға, Африка, Латын Америкасы және Азия-Тынық мұхиты елдеріне бағыттауды тапсырды. Ол Сібір кен орындарында құбырлар салу қажеттігін айтты.
Сонымен қатар Путин алдағы жылдары мұнай мен газды басқа жаққа жеткізуге мүмкіндік беретін инфрақұрылымдық жобаларды тезірек жүзеге асыру керектігін жариялады.
Газеттің дерегінше, "Газпром" алғаш рет Батыс Сібір ресурстарын шығысқа жеткізуге мүмкіндік алмақ. Алайда қазір бұл газды тек Қытай сатып алып отыр. Ресми Бейжіңмен арадағы келіссөздер он жылдан астам уақытқа созылған болатын.
Табиғат Нұрболат
