Бұл туралы Иранның Mehr агенттігі хабарлады, деп жазады inbusiness.kz сайты.
"Өткен тәулікте Ресейдің әуе-ғарыш күштері Эт-Танф ауданынан кетіп, Дейр-эз-Зор губернаторлығындағы Аль-Бишри жотасының қол жетпейтін аудандарында жасырынған содырлардың екі базасына әуе шабуылдарын жасады", - деді Олег Игнасюк, Ресейдің жедел штабы бастығының орынбасары. Бұл туралы Сириядағы қарама-қарсы тараптарды татуластыру орталығы (Ресей Қорғаныс министрлігінің бөлімшесі) хабарлады.
2017 жылғы Астанадағы бейбіт келіссөздердің кепілі саналатын елдер Иран, Ресей мен Түркия арасындағы келісімге сәйкес Сирияда төрт қауіпсіздік аймағы құрылды.
Үш аймақ 2018 жылы Сирия армиясының бақылауына өтті, бірақ Сирияның солтүстік-батысындағы Идлиб провинциясын және Латакия, Хама мен Алеппо провинцияларының шағын аудандарын қамтитын төртінші аймақ әлі де террористік топтар мен жаудың бақылауында.
2018 жылдың жазының соңында Ресей мен Түркия басшылары Сочиде келісімге келді, онда Түркия осы аймақта орналасқан террористерді қантөгіссіз жоюға немесе қарусыздандыруға уәде берді.
