Росстаттың мәліметі бойынша, Ресейде 2021 жылғы наурыз айында инфляция 5,79-ға дейін өсті, деп хабарлайды inbusiness.kz ТАСС сайтына сілтеме жасап.
Ақпан айында жылдық инфляция 5,67% болған еді. Өткен аймен салыстырғанда тұтыну бағасы 0,66%-ға өскен.
Наурызда азық-түлік тауарлары ақпан айымен салыстырғанда 0,82%-ға және соңғы бір жылда 7,58%-ға, азық-түлік емес тауарлар бір айда 0,72%-ға және бір жылда 5,92%-ға қымбаттады.
Бұған дейін сарапшылар сәуір айында Ресейдегі жылдық инфляция 5,5% болады деп мәлімдеген еді. Совкомбанктің бас сарапшысы Михаил Васильевтің айтуынша, әлемдік биржалардағы азық-түлік бағасының өсуі, пандемия кесірінен жеткізілімнің іркілуі сияқты факторлар инфляция қарқынын күшейтіп отыр.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
