Ресейдің Ачинск қару-жарақ қоймасындағы жарылыстан зардап шеккендер қатары 11 адамға жетті. Олардың екеуінің жағдайы ауыр болғандықтан, Красноярға санавиациямен жөнелтілген, деп хабарлайды Atameken Business.
Өңірде төтенше жағдай жарияланып, жергілікті билік Ачинск ауданындағы маңайдағы ауылдарды көшіріп жатыр.
Соңғы ақпарат бойынша 4 мың адам қауіпсіз жерге көшірілген.
Жалпы, әскери қоймаларда миналар мен зениттік патрондар сақталған.
Краснояр өлкесінің губернаторы Александр Усс өрт аумағының әлі де ұлғаю мүмкін екенін мәлімдеді.
Мамандар қоймаға жақын орналасқан елдімекен тұрғындарын қабылдау үшін уақытша орналастыру пункттерін ашып жатыр. Ал, оқ-дәрілер шамамен әрбір 15 секун сайын жарылуда. Әзірге, себеп салдары туралы ешқандай мәлімет жоқ.
