Ресейде коронавирустың екі жаңа нұсқасы анықталды, оның ішінде "цербер" штамы бар, деді Роспотребнадзор басшысы Анна Попова, деп хабарлайды Inbusiness.kz "РИА Новости"-ге сілтеме жасап.
"Өткен аптада біз Ресей үшін екі жаңа геновариантты анықтадық-бұл BQ.1 мен BQ.1.1 (Cerberus)", – деді ол.
Попова күздің аяғында COVID-19 ауруының өсуін жоққа шығармады, бірақ оның айтуынша, "қазір шектеу шараларын енгізу жоспарланбаған".
Коронавирустың жаңа штаммы BQ 1.1 "Cerberus" – BA.5 "омикронның" мутацияланған түрі. Штамм қыркүйек айында бірқатар Еуропа елдерінде анықталып, тез таралып үлгерді ("омикронға" қарағанда 20-30%-ға жылдам). Бүгінгі күні штамм 30-дан астам елде, соның ішінде АҚШ, Германия мен Ұлыбританияда анықталды.
№15 Мәскеу клиникалық ауруханасының бас дәрігері Валерий Вечорконың айтуынша, "цербердің" тағы бір ерекшелігі – адам денесінде жаралар пайда болуы мүмкін, атауы да соған сәйкес қойылған көрінеді (Cerberus – көне грек мифологиясындағы Төменгі әлем (тозақ) қақпасын күзеткен үш басты қабаған ит).
