Ресейдің Ханты-Мансийск автономдық округінде мұнай сақтайтын 4 қойма өртеніп, 2 адам жарақат алды. Тағы бір кісі жоғалып табылмай жатыр, деп хабарлайды 24.kz.
Оқиға Нижне-вартовск ауданындағы "Роснефть" компаниясына кіретін "Варьеганнефтегаз" бірлестігіне қарасты нысанда болды. Өрт мұнайды жинау пунктіндегі бір қоймада жөндеу жұмыстары жүргізіліп жатқан кезде шыққан. Лапылдаған от 1 мың шаршы шақырым жерге дейін жайылып, 1 мың текше метрге дейін шикізат төгілген.
Мамандар өрттің біршама бөлігін сөндіріп, лаулаған жалынның беті қайтқан. Өртті сөндіруге 123 адам мен 36 техника жұмылдырылған. Төтенше оқиғаға қатысты тергеу басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
