Бүгін Ресейдегі Томск облысының Причулымский елдімекенінде ағаш үйден өрт шығып, 10 адам қаза болды.
Оқиға туралы хабар төтенше жағдайлар қызметіне Мәскеу уақытымен 00:05-те түсіпті. Өрт сөндірушілер жеткенше қызыл жалын бүкіл үйді шарпыған.
Анықталғандай, өртенген жер үйде 12 адам болған, оның екеуі сыртқа қашып үлгеріп, ал өзгелері қайтыс болды. Олардың бәрі ағаш дайындайтын "ГРИНВУД" ЖШС компаниясында жұмыс істеп, нанын тауып жүрген өзбекстандықтар.
Өзбекстан тарапы қаза болғандардың өз азаматтары екенін растап отыр.
Өзбекстанның ұлттық ақпараттық агенттігінің хабарлауынша, қазіргі кезде оқиғаның себебі тексеріліп, бақилық болған азаматтардың мәйітін елге алып келу бойынша жұмыстар жүргізілуде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
