Бұл туралы Ресей Федерациясының Федералды кеден қызметінің Telegram-арнасында хабарланды, деп жазады inbusiness.kz.
"Жеке тұлғалар Қиыр Шығыс арқылы — негізінен жапондық және корейлік көліктерді белсенді түрде кіргізуді жалғастыруда. Владивосток кеден орны 2023 жылдың қаңтар-маусым айларында жеке пайдалану үшін 130 мыңнан астам көлік ресімдеді. Бұл өткен жылдың бірінші жартыжылдығынмен салыстырғанда 2 есе көп көрсеткіш", - делінген хабарламада.
"Маусым айында рекордтық көрсеткіш — 28000-нан астам көлік рәсімделді. Кіргізілген автокөліктердің 80%-ға жуығы Жапониядан келген автомобильдерге тиесілі: Toyota, Mazda, Nissan, Honda, Subaru. Бұдан әрі корей автоөнеркәсіпі: Hyundai, Genesis, SsangYong, Kia және Қытайдан келген бірліктер", — деп атап өтті ведомство.
Өткен жылы шетелдік көліктерге деген сұраныстың күрт өсуі бірқатар факторларға байланысты болды: Ресейге енгізілген санкциялар, ірі халықаралық автомобиль компанияларының Ресей нарығынан кетуі, валюталардың тиімді бағамы және жаңа автомобильдердің тапшылығы, сондықтан бүгінгі күнге дейін автомобильдерді әкелу динамикасы басылмай отыр.
