Оқиға Архангельск облысындағы Северодвинск қаласынан 30 шақырым жерде болды. РИА Новости басылымының хабарлауынша, жарылыс реактивті қозғалтқышты сынақтан өткізу кезінде болған.
Апаттан кейін аймақтағы радиация деңгейі күрт көтеріліп кеткен. Бірақ қазір жағдай қалыпқа келді, дейді жергілікті билік өкілдері. Архангельск губернаторы Игорь Орлов жергілікті тұрғындарды қауіпсіз жерге көшірудің қажеті жоқ дейді.
Әзірге апатқа ұшыраған құрылғының атауы не қозғалтқыштың моделі туралы Қорғаныс минисрлігіндегілер тіс жармады.
Естеріңізге сала кетейік, 5 тамызда Красноярск аймағында әскери бөлімнің қоймасы өртке оранып, арты оқ-дәрілердің жарылысына ұласып кеткен болатын.Салдарынан 13 адам жарақат алып, бір адам жантәсілім болған. Жақын маңда шоғырланған 16 мың адам қауіпсіз жерге көшірілді.
Табиғат Нұрболат
