Агенттіктің ай сайынғы есебінде Ресей пайдасын 1,8 миллиард долларға арттырғаны көрсетілген, деп жазады inbusiness.kz.
Қыркүйек айында Ресей экспортты тәулігіне 460 мың баррельге, жалпы көлемде 7,5 миллион баррельге дейін арттырған. Осы айдағы табыс 2022 жылдың шілдесінен бергі ең ірі олжа болып отыр.
"Ресейдің мұнай экспортынан түскен кірісі қыркүйекте 1,8 миллиард долларға өсіп, 2022 жылдың шілдесінен бастап ең жоғары деңгейге жетті, бұл жалпы көлемнің өсуінің (айлық есепте тәулігіне +460 мың баррель) және Ресей мұнайының орташа өлшенген бағасының (бір айда барреліне +8 доллар) және мұнай өнімдерінің өсуінің арқасында", — делінген ХЭА баяндамасында.
Қыркүйек айында ресейлік экспорттаушылардың жиынтық кірісі шамамен 18,8 миллиард долларды құрады.
ХЭА мәліметтері бойынша, оның көп бөлігін Қытай мен Үндістан сатып алды. Аспан асты елі қыркүйек айында жеткізілімді тәулігіне 270 мың баррельге арттырды.
