Бүгін, бейсенбі күні Ресей Сыртқы істер министрі Сергей Лавров Астанаға келді. Ол жұмыс сапары барысында ҚР Премьер-Министрінің орынбасары, Сыртқы істер министрі Мұрат Нұртілеумен келіссөздер жүргізбек, деп хабарлайды inbusiness.kz сайты.
Ресей Сыртқы істер министрінің екі күндік жұмыс сапары 6-7 қарашада өтеді. Нұртілеумен келіссөздерден басқа, Лавров Астанадағы жоғары оқу орындарының бірінің оқытушылары мен студенттерімен кездесу өткізеді.
Бұған дейін РФ СІМ ресми өкілі Мария Захарованың баяндауынша, келіссөздер барысында сыртқы істер ведомстволарының басшылары Ресей Президентінің Қазақстанға мемлекеттік сапарын дайындауға ерекше көңіл бөледі. Сондай-ақ, екіжақты күн тәртібі, сондай-ақ екі тарапты да қызықтыратын өзекті халықаралық мәселелер талқыланады.
"Сонымен бірге, ортақ интеграциялық алаңдарда, бірінші кезекте ЕАЭО, ҰҚШҰ, ТМД, ШЫҰ бойынша өзара іс-қимыл туралы пікір алмасу болады", — деді ресейлік шенеунік.
