Ресей өзінің ядролық қаруын Беларусьте орналастыру жоспарларын жүзеге асыруды бастады, деп жазады inbusiness.kz.
Екі елдің қорғаныс министрлері Сергей Шойгу мен Виктор Хренин Минскіде "Беларусь Республикасының аумағындағы арнайы қоймада ресейлік стратегиялық емес ядролық қаруды ұстау тәртібін анықтайтын құжаттарға қол қойды", - делінген Беларусь Қорғаныс министрлігінің баспасөз қызметінің хабарламасында.
Шойгудың айтуынша, Ресей мен Беларусь жүзеге асыратын шаралар "барлық қолданыстағы халықаралық-құқықтық міндеттемелерге сәйкес келеді".
Сонымен қатар, министрлер өздерінің ведомстволары арасындағы "әскери-саяси жағдайды және әскери-техникалық ынтымақтастық мәселелерін талқылады". Сергей Шойгу Батысты Ресей мен Беларуське қарсы соғыс жүргізді деп айыптады.
