Аталмыш тауарлардың тізіміне дрондар мен электроника түрлері, әскери тауарлар кірді, деп жазады inbusiness.kz.
Бүгін Қазақстанның сауда және интеграция Вице-министрі Қайрат Төребаев Ресей нарығына тауарлардың 106 түрін жеткізудің тоқтатылғанын растады.
"Біз 106 түрлі өнімнің экспортын толығымен шектедік. Барлығы әскери мақсатта қолданылатын тауарлар. Мысалы, дрондар, ішкі бөлшектер, мамандандырылған электроника, чиптер мен басқа да ұқсас өнімдер", — деді Төребаев.
Вице-министр өз сөзінде бұл тауарлар Қазақстан аумағында өндірілмейтінін, тек импортталатынын атап өтті, яғни енді шетелден келген тауарды Ресейге қайта сатуға болмайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
