Бұл туралы Ресей Федерациясының президенті Владимир Путин Ким Чен Ынмен келіссөздер мен құжатқа қол қою қорытындысы бойынша мәлімдеді, деп жазады inbusiness.kz сайты.
"Бүгін қол қойылған жан-жақты серіктестік туралы шарт, оның ішінде осы шартқа қатысушылардың біріне қарсы агрессия болған жағдайда өзара көмек көрсетуді көздейді", - деді Путин.
Сонымен бірге, Ресей Федерациясының Президенті АҚШ пен басқа НАТО елдерінің Ресей аумағына соққы беру үшін жоғары дәлдіктегі қару-жарақ жүйелерін, F16 ұшақтарын және басқа да ұқсас қару-жарақ пен техниканы жеткізу туралы мәлімдемелеріне назар аударды.
"Бұл тек мәлімдеме ғана емес, қазірдің өзінде іске асырылған шара және мұның бәрі — әртүрлі халықаралық міндеттемелер шеңберінде Батыс елдері қабылдаған шектеулерді өрескел бұзу", - деп атап өтті Путин.
