Ресейге Украина мен Донбасстан 1 миллионға жуық босқын бас сауғалап қашты, деп хабарлайды inbusiness.kz ТАСС агенттігіне сілтеме жасап.
"Соңғы мәлімет бойынша, Ресейге 987 мың адам қоныс аударды. Оның 180 мыңы – балалар. 272 мың – РФ азаматы, 546 мыңы – ДХР және ЛХР азаматтары, 168 мыңы – басқа мемлекеттерден келгендер", – деп жазылған агенттіктің сайтында.
Олар Ресейдің 48 аймағындағы 500-ге жуық уақытша орналастыру пункттеріне орналастырылды. Қазір мұндай пунктерде 32 мыңнан астам адам бар. Оның 11 мыңы – балалар. Қалғандары туыстары мен таныстарының үйлерін паналады.
Көшіп келгендерге Ресей Федерациясы үкіметінің шешімі бойынша 10 мың рубль мөлшерінде біржолғы төлемдер төленеді. Жалпы осы күнге дейін 1 миллиард 201 миллион рубль берілді. 30 мыңға жуық адамға медициналық көмек көрсетіліп, 4 мыңға жуық адамнан коронавирус анықталды.
Табиғат Нұрболат
Фото: regnum.ru
