Ресейлік миллиардер әрі "Монака" футбол клубының иесі Дмитрий Рыболовлев Airbus A319 CJ деп аталатын ұшағын сатылымға шығарды, деп хабарлайды Inbusiness.kz порталы Lenta.ru басылымына сілтеме жасап. Оның құны шамамен 60 миллион доллар.
2019 жылы Airbus A319 CJ ресейлік кәсіпкерлердің еншісіндегі ең қымбат ұшақтардың ондығына кірген еді.
РБК дерегі бойынша, Рыболовцев оның орнына басқасын, яғни жаңасын, отынды аз тұтынатынын, соңғы үлгідегі моделін алмақ.
Бұл бизнес-джетке 14 жолаушы сыяды. Ол 12,5 шақырым биіктікке дейін көтеріліп, жылдамдығын 850 км/сағ дейін жеткізе алады. Бортында асхана, жатын бөлме, жуынатын бөлме, екі қонақбөлме бар. 5 ақпанда Рыболовлев үшінші мәрте Anna I деп аталатын яхтасын сатылымға шығарған еді. Миллиардер қайықты 53 миллион еуроға бағалап отыр.
Табиғат Нұрболат
