"Әр айтылған сөзді жеке қарастырып, кім айтса, сол деңгейде жауап беру керек. Мысалы, Зюганов айтқанда біздің депутаттар оған өз бағасын берді. Ал енді федералдық деңгейден төмен, қалалық дума ма, басқа ма – ондай мәлімдемелерге біздің блогер, саясаткер, эксперттеріміз жауап беруі керек", – деген пікір айтады Сыртқы істер министрі Мұхтар Тілеуберді.
Ал Ұлттық экономика министрі Әлібек Қуантыров бұған қатты жауап қатудың керегі жоқ дегенді айтады.
"Бұл сұрақ менің салама қатысты емес. Дегенмен жеке пікірім бар. Мұндай нәрселердің айтылуы, әлбетте, жағымсыз әсер етеді. Бірақ сондай қатты жауап берудің керегі жоқ. Өйткені біз тоқтап қалмаймыз. Өз жайымызды, экономикамызды, халқымызды ойлауымыз керек. Белгісіз адамдардың түсініксіз мәлімдемелеріне қарайлаудың керегі жоқ", – дейді Қуантыров.
