Әлемде және елде қалыптасқан шараларға байланысты сәуір айында республикалық бюджет қайта қаралды, нақтыланды, деп мәлімдеді Премьер-министрінің бірінші орынбасары, Қаржы министрі Әлихан Смайылов.
"Республикалық бюджет қайта қаралып, нақтыланды. Атап айтсақ номиналды жалпы ішкі өнім 4,8 трлн теңгеге төмендетілді. Мұнай бағасы алдын ала жоспарланған 1 баррелі үшін 55 доллардан 20 долларға төмендетілді. Доллардың орташа жылдық бағымы 440 теңгеге жоғарылады. Ал инфляция деңгейі 9-11% дәлізінде болады деп белгіленді. Осы орайда бұл консервитивті болжам екенін айтқым келеді. Себебі ең қиынына дайын болып, барлығы жақсы болады деп үміттенуіміз керек", – деді Қаржы министрі.
Сонымен қатар Қаржы министрі бюджетті нақтылаудың негізгі себебі халықты қолдау, жұмыс орындарын құру екенін айтты.
Құралай Құдайберген
