Үкімет отырысында қаржы министрі Ерұлан Жамаубаев бюджеттің атқарылуы туралы баяндама жасады.
Ол мемлекеттік бюджетке 3 трлн 420 млрд теңге табыс түсіп, жоспар 102,9% орындалғанын айтты.
Министрдің мәлімдеуінше, республикалық бюджетке 2 трлн 111 млрд теңге кіріс кірген. Жоспар болжанғаннан 125 млрд теңгеге кем болған.
"Жоспардың орындалмауына төтенше жағдай кезеңінде бизнесті қолдау бойынша қабылданған шаралар әсер етті", – деді Ерұлан Жамаубаев.
Қаржы министрі салық түсімдерінің азайып кеткеніне де тоқталды.
"Электронды шот-фактуралар" ақпараттық жүйесі деректері бойынша, кәсіпкерлік белсенділіктің қатты төмендеуі – көтерме және бөлшек саудаға тиесілі. Тауар өткізу айналымы 2019 жылғы мамырмен салыстырғанда 54%-ға немесе 1,2 трлн теңгеге төмендеген. Негізгі экспорттық позициялар бойынша баға 2019 жылдың 5 айымен салыстырғанда орта есеппен 16,4%-ға және жыл басынан бері 13,2%-ға азайды. Бұл тау-кен өндіру саласынан түскен салық түсімдеріне әсер етті. Төмендеу – 361 млрд теңгені, құлдырау қарқыны 43,6% құрады", – деді Ерұлан Жамаубаев.
Қанат Махамбет
