Баннер втб
RU KZ
Республикалық деңгейдегі 34 басшы қылмыстық жауапкершілікке тартылды

Республикалық деңгейдегі 34 басшы қылмыстық жауапкершілікке тартылды

24 Қазан 2020 15:19 208

Республикалық деңгейдегі 34 басшы қылмыстық жауапкершілікке тартылды
Агенттік «Жұмыспен қамту-2020 Жол картасын» іске асыруды жіті қадағалауда. Қазіргі таңда 5 өңірде қылмыстар анықталды.

9 айда жемқорлық үшін республикалық деңгейдегі – 34, облыстық – 72, қалалық және аудандық деңгейдегі 89 басшы қылмыстық жауапкершілікке тартылды, деп хабарлады жемқорлыққа қарсы іс-қимыл агенттігінің баспасөз қызметі.

Антикордың жедел-тергеу жұмысы бойынша есептік кезеңде 2140 қылмыс тіркелген. Ауыр сыбайлас жемқорлық қылмыстарының 15%-ға артқан. Жүйелі жемқорлықтың – 102, бизнес істеріне  заңсыз араласудың 154 фактісінің жолы кесілген.

«Өтелген залал сомасы өткен жылдардың жылдық көрсеткіштерінен біршама асып, 39,5 млрд теңгені құрады»,– деп жазылған агенттік есебінде

Дағдарысқа қарсы қаражаттың мақсатты және тиімді жұмсалуын бақылауға ерекше назар аударылуда.

Агенттік қазір экономиканы қалпына келтіруге ондаған миллиард бюджет қаражаты игерілетін «Жұмыспен қамту-2020 Жол картасын» іске асыруды жіті қадағалауда. Қазіргі таңда 5 өңірде (Алматы қаласы, Ақмола, Алматы, Жамбыл, Павлодар облыстары) қылмыстар анықталды.