Кеше таңғы сағат 8-де Ақтөбе-Хромтау-Ақтөбе бағытында жол ашылып, көліктер колоннасы ұйымдастырылды.
Аталмыш учаскеде 2768 бірлік көлемінде ауыр жүк көліктерінің жиналуы байқалды.
Алайда, бір тәуліктің ішінде Ақтөбе -Хромтау бағытында 600-ге жуық жүк көліктерінің колоннасының жүруі ұйымдастырылды.
Көлік қозғалысын толық қалпына келтіру үшін жолшылар жолды тазалау жұмыстарын қарқынды жүргізуде.
Алайда, жүргізушілердің жүк көліктерін жолда қалдырып кеткендігі жолшыларға жол жиегін қардан аршуда кедергісін келтіруде. Сондықтан, ауыр жүк көліктерінің иелерін іздестіру жұмыстары жүргізілуде.
Қазіргі уақытта 2606 бірлік көліктің жиналуы байқалады, деп хабарлайды inbusiness.kz cайты ҚазавтоЖол мекемесіне сілтеме жасап.
Бүгін Ақтөбе облысы бойынша сағат 15.00-ге дейін Самара-Шымкент тас жолында көлік қозғалысын ашу жоспарлануда.
Сондай-ақ, Астана уақыты бойынша сағат 17.00-де Қостанай, Қызылорда, Түркістан облыстарында қозғалыс толық жанданады деп жоспарлануда.
