"ҚазАвтоЖол" баспасөз қызметі таратқан ақпаратқа сәйкес, Абай өңірінде "Алматы-Өскемен" тасжолының 615-967 шақырымдары аралығында орналасқан Жетісу облысы шекарасынан Қалбатау ауылына дейінгі учаскеде көлік қозғалысы қалпына келтірілді.
"Жетісу өңірінде "Алматы-Өскемен" тасжолының 558-615 шақырымдары аралығында орналасқан Үшарал қаласынан Абай өңіріне дейінгі учаске ашық. Ал Р-20 "Сарыөзек-Көктал" күре жолының 45-68 шақырымдары аралығындағы Алтын Емел асуында көлік қозғалысына әлі де шектеу қойылып отыр", делінген ақпаратта.
22 қараша күні кеште ауа-райының қолайсыздығына байланысты жолшылар күшейтілген жұмыс режиміне көшті. Сол күні түнде Абай облысының республикалық маңыздағы күре жолдарына 140 тонна құм-тұз қоспасы себілген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
