2020 жылдың қаңтар және тамыз айлары аралығында резеңке және пластмасса бұйымдары өндірісінің көлемі 145,3 млрд теңгеге жетті. Бұл туралы Energyprom.kz басылымы хабарлады. Көрсеткіш өткен жылмен салыстырғанда 9,3%-ға көп.
2019 жылы өндірісі көлемі 15,6%-ға өсіп, 244,4 млрд теңге болған еді.
Шығарылған бұйымдардың шамамен жартысы үш өңірге тиесілі: Алматы облысы (30,1 млрд теңге), Нұр-Сұлтан қаласы (22,5 млрд теңге) және Алматы қаласы (18,5 млрд теңге).
Биыл пластмасса бұйымдарының өндірісі артқан: күнделікті қолданатын заттар (+36,6%), сөмкелер мен қаптар (+35,8%), құбыр мен құбыршек (+14,9). Ал резеңке өнімдері өткен жылмен салыстырғанда аз жасалды: құбыр мен құбыршек (-20,3%), конвейерлік таспа мен жетекті белдік (-12,1%).
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
