Ол ұлттық аспаптарды ұшаққа кіргізуге рұқсат етілу керек деп есептейтінін жеткізді.
"Қазір әуе компанияларында қазақтың ұлттық аспаптарына қарсы бір әдейі жоспарланған нәрсе сияқты жүріп жатыр. Домбыра деген ішінде бірде-бір металл жоқ, қойдың шегі қарағайдың ағашынан басқа ештеңе жоқ, зияны жоқ аспап. Бұл бір.
Екіншіден, "Нағыз қазақ – қазақ емес, нағыз қазақ – домбыра" деп Қадыр Мырзалиев айтпақшы, бұл біздің мемлекетіміздің айнасы. Әуе компанияларыңызға дұғай сәлем айтыңыз. Осы мәселені шешіп беріңіздер. Қазақтың саусаққа толмастай 4-5 ұлттық аспабы бар. Сол аспаптар ұшаққа кіргізуге рұқсат алсын. Егер қолдарыңыздан келмесе, онда Алматы, Астананың әуежайына жоқ дегенде 1000 домбырашыдан қойып, "Адай" күйін ойнатып, жалынып сұрайық", - деді ол.
Еске салайық, айтыскер Айшолпан Тілеутай Fly Arystan қызметкерлерінің домбыраны қол жүгі ретінде ұшаққа кіргізуге рұқсат бермегенін айтқан болатын.
