DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 293,95 Brent 36,55
«Родина» агрофирмасының тәжірибесін басқа шаруа қожалықтарына тарату қажет – А. Мамин

«Родина» агрофирмасының тәжірибесін басқа шаруа қожалықтарына тарату қажет – А. Мамин

Үкімет басшысы ауыл шаруашылығы техникасы паркін, сүт кешені мен «Родина» агрофирмасының зауытын аралады. 

09 Қараша 2019 15:01 376

«Родина» агрофирмасының тәжірибесін басқа шаруа қожалықтарына тарату қажет – А. Мамин

ҚР Премьер-Министрі Асқар Мамин «Ауыл – ел бесігі» жобасын жүзеге асыру, сондай-ақ, елорда айналасында «азық-түлік белдеуін» құру аясында Ақмола облысының Целиноград ауданындағы Родина ауылына жұмыс сапарымен барып, онда «Родина» агрофирмасы» ЖШС жұмысымен танысты, деп хабарлайды премьер-министр сайтының баспасөз қызметі.

Үкімет басшысы ауыл шаруашылығы техникасы паркін, сүт кешені мен «Родина» агрофирмасының зауытын аралады, сондай-ақ, аттас ауылдың әлеуметтік инфрақұрылым нысандарын — хоккей кортын, орта мектепті, супермаркет пен жайлы пәтерлерді көрді.

«Елбасы Нұрсұлтан Назарбаев және Президент Қасым-Жомарт Тоқаев ауыл мен агроөнеркәсіптік кешенді дамыту мәселелеріне зор көңіл бөліп отыр. Сіздердің агрофирма Қазақстандағы жетекші әрі үлгілік кәсіпорындардың бірі, жинақталған тәжірибені еліміздегі басқа да шаруа қожалықтарына тарату қажет», — деді А. Мамин.

«Родина» агрофирмасының басшысы И. Сауэр Премьер-Министрге кәсіпорынның жұмысын одан әрі кеңейту жөніндегі жоспарлары туралы баяндады.

«Родина» агрофирмасы 2005 жылы аттас кеңшар базасында құрылған, Қазақстандағы өсімдік шаруашылығы мен мал шаруашылығы өнімдерін өндіру және қайта өңдеу бойынша жетекші шаруа қожалықтарының бірі. ЖШС-да жұмыс істейтіндер саны — 520 адам. Соңғы үш жылда орташа жылдық өндіріс көлемі 2,52 млрд теңгені құрады. Агрофирма сиырларды сауу және қолда бағу үшін цифрлық технологияларды, жел-энергетика қондырғысы мен басқа да озық технологиялық жүйелерді пайдаланады.

Егіс алқаптары құрылымына дәнді (бидай, арпа, сұлы), майлы (күнбағыс, зығыр майы) дақылдар, сүрлемге жүгері, бір жылдық және көп жылдық шөптер, картоп, көкөністер кіреді. Шаруашылық қара шұбар және голштино-фриз тұқымды ірі қара малды өсіретін асыл тұқымды мал зауыты дәрежесіне ие.

inbusiness.kz-ті қараңыз, оқыңыз :

Қазақстан Қырғызтаннан бірқатар өнімді кіргізуге салынған тиымды алып тастады

Қырғыз тарапы Қазақстанға картоп, алма және құрма жеткізуге қойылған тыйымды алып тастау туралы өтініш білдірді. 

28 Ақпан 2019 16:41 414

Қазақстан Қырғызтаннан бірқатар өнімді кіргізуге салынған тиымды алып тастады

Қазақстан мен Қырғызстан Фитосанитариялық бақылауды күшейту жөніндегі жол картасына қол қойды, деп хабарлайды primeminister.kz

Бүгін Қазақстан премьер-министрі Асқар Мамин үкімет үйінде Қырғызстанның вице-премьері Ж. Разаковты қабылдады. Ауыл шаруашылығы саласындағы ынтымақтастық мәселелері жөніндегі үкіметтік келіссөздер ҚР вице-премьері Жеңіс Қасымбек пен Қырғызстанның вице-премьері Ж. Разаковтың кездесуі барысында жалғасты.

Үкіметтік келіссөздер қорытындысы бойынша Қырғыз Республикасындағы фитосанитариялық карантиндік бақылауды күшейту мәселелері бойынша екі елдің фитосанитариялық қызметі арасында жол картасына қол қойылды. Құжатта 17 тармақтан тұратын іс-шаралардың нақты тізімі қарастырылған, оның бірінші кезекті тармақтарын осы жылдың ақпан айынан бастап маусым айына дейінгі кезеңде Қырғызстанның фитосанитариялық қызметі іске асыруға тиіс.

Қырғыз тарапы Қазақстанға картоп, алма және құрма жеткізуге қойылған тыйымды алып тастау туралы өтініш білдірді. Өз кезегінде Қазақстан 2018 жыл мен 2019 жылғы ақпан аралығында анықталған 465 бұзушылықты қырғыздың фитосанитариялық қызметі жойғаны туралы ақпаратты қазақстандық тарап қарағаннан кейін биыл 19 ақпанда уақытша енгізілген фитосанитариялық карантиндік шараларды алып тастауға дайын екенін білдірді.

Мемлекеттік шекараның Қазақстан – Қырғызстан учаскесіндегі ветеринарлық-санитарлық бақылау мәселелеріне ерекше көңіл бөлінді.

Бұдан өзге, су-энергетика саласындағы ортақ ұстанымдар анықталды. Трансшекаралық су ресурстарын есептеуді автоматтандыру туралы уағдаластыққа қол жеткізілді.

Жаңа министрлер адал қызмет етуге ант берді

Олар: Күләш Шамшидинова, Роман Скляр, Сапархан Омаров, Руслан Дәленов.

26 Ақпан 2019 12:44 441

Жаңа министрлер адал қызмет етуге ант берді

Премьер-министр Асқар Мамин ел тарихындағы 11-ші үкіметтің тұңғыш отырысын өткізді, деп хабарлайды inbusiness.kz. 

Отырыста «Қазақстан үкіметі туралы» конституциялық заңында көрсетілген талапты орындау үшін үкімет құрамына алғаш кіріп отырған министрлердің ант беру рәсімі өткізілді. Атап айтқанда, білім және ғылым министрі Күләш Шамшидинова, индустрия және инфрақұрылымдық даму министрі Роман Скляр, ауыл шаруашылығы министрі Сапархан Омаров, ұлттық экономика министрі Руслан Дәленов адал қызмет етуге «ант-су ішті».

«Қазақстан халқы мен президенті алдында өз отаным Қазақстанның экономикалық және рухани даму ісіне барлық күш-жігерім мен білімімді жұмсауға, мемлекеттің конституциясы мен заңдарын қатаң сақтауға, өзімнің барлық іс-әрекетімде заңдылық пен әділеттілік, азаматтық, ұлтаралық және конфессиялық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы беделін нығайта беруге салтанатты түрде ант беремін! Ант етемін!» – деді олар.

Өзге он бір министр бұдан бұрынғы үкіметте министр ретінде ант беріп қойғандықтан, олардан қайтара ант қабылдау талап етілмеді. 

Асқар Мамин үкіметтің жаңа мүшелеріне жаңа лауазымдарында табыс тіледі.

Жаңалықтарға жазылу: