"Өкінішке қарай, қауесет заманында өмір сүріп жатырмыз. Ең сорақысы фейктер заманы. Утильалым деген не? Бұл ең алдымен экологиялық проблеманы шешетін экологиялық төлем. Тағы бір маңыздысы бұл меншікті өндірістерді дамыту үшін ынталандыру шарасы. Қазақстан бұл жағынан көшбасшы емес. Қандай да бір шектеулер отандық тауар өндірушілерді қорғау үшін жасалады. Әңгіме автоөндіріс туралы болып тұр. "Сарапшылар" таратып жүрген қауесеттің бірі –бізде автоөндіріс жоқ, біз көлікке дөңгелек сала саламыз. Зауыттарға барып өз көзімен көрген қоғам белсенділері, блогерлер бар. Олар көрген нәрсесіне қанағаттанды деп ойлаймын", – деді Роман Скляр.
Еске сала кетсек, бұған дейін премьер-министрдің бірінші орынбасары автокөліктер мен ауылшаруашылық техникаларына утильалымы 50%-ға төмендетілгенін мәлімдеді.
Құралай Құдайберген
