Премьер-министрдің бірінші орынбасары Роман Скляр "Шелл" компаниясының барлау және өндіру бөлімінің атқарушы вице-президенті Ричард Хаумен кездесу өткізді, деп жазады inbusiness.kz сайты.
Кездесуде тараптар екіжақты ынтымақтастықтың қазіргі жай-күйі мен перспективаларын талқылады. "Шелл" компаниясы Қазақстанның мұнай-газ саласындағы ірі шетелдік инвесторларының бірі болып саналатыны, сондай-ақ Карашығанақ, Қашаған және КҚК сияқты маңызды жобаларға қатысатыны атап өтілді.
Тараптар Қарашығанақ газ өңдеу зауыты жобасына ерекше назар аударды. Аталған жоба ӨБК бойынша Түпкілікті келісім шарттарының шеңберінде жүзеге асырылады.
– Қазақстанмен серіктестігімізге 30 жылдан асты. Бұл біз үшін ерекше мақтаныш. Мен үшін Қазақстанға жаңа қызметтік мәртебемде қайта оралу — үлкен құрмет, – деді "Шелл" компаниясының барлау және өндіру бөлімінің атқарушы вице-президенті Ричард Хау.
Роман Скляр бұл жобаның стратегиялық маңыздылығын атап өтіп, оның іске асуын жеделдетудің қажеттігін жеткізді. Кездесу қорытындысында тараптар ұзақ мерзімді әрі өзара тиімді ынтымақтастыққа ниетті екендерін растады.
