Спутниктерді өндіру бойынша конвейерлік желінің жобасы "ИСС Решетнева" және С.А. Лавочкин атындағы ҮЕҰ кәсіпорындарында іске асырылады, ал қажетті шығындар 60 миллиард рубльге бағаланады, деп хабарлайды inbusiness.kz cайты "Роскосмос" корпорациясының басшысы Юрий Борисов мәлімдемесіне сілтеме жасап.
Бұған дейін Борисов корпорация салмағы жарты тоннаға дейінгі спутниктерді жаппай өндіруге арналған конвейер құруға шамамен 50 миллиард рубль жұмсауды жоспарлап отырғанын айтқан болатын.
"Онда көп спутниктік топтаманы өндіру бойынша өндірістік қуаттар реттелетін "ИСС Решетнева" екі нысаны мен С.А. Лавочкин атындағы ҮЕҰ бар. Красноярскіде мамандану – телекоммуникациялық бағыт, ал Мәскеуде Лавочкин атындағы ҮЕҰ-да – жерді қашықтықтан зондтау", - деді корпорация басшысы журналистерге "Роскосмостың" спутниктердің конвейерлік өндірісін іске қосу жоспарларына түсініктеме бере отырып.
Ол "Роскосмос" бағдарламаға қажетті шығындарды қайта қарап, оларды 60 миллиард рубльге бағалағанын атап өтті.
"Шынында да, біз осы жаңа модельге көшу үшін кооперациямен бірге қаржы жағын бағаладық, шамамен 60 миллиард (шығын – ред.)", - деді корпорация басшысы.
Борисовтың айтуынша, жобаны іске асыру екі кезеңде жоспарланып отыр: бірінші кезең 2026 жылы, екінші кезең 2028 жылы аяқталады. Ал бірінші аппарат конвейердег 2026 жылы шығуы керек, деп нақтылады "Роскосмос" басшысы қазіргі уақытта жобаны бюджеттік қолдау мәселесін талқылап жатқанын айтты.
