28 желтоқсанда Алтай өлкесі мен Алтай Республикасы бойынша Россельхознадзор басқармасының инспекторлары Ресейдің ФҚБ Алтай өлкесі бойынша Шекара басқармасы қызметкерлерінен келіп түскен ақпарат негізінде Рубцовский фитосанитарлық бақылау бекетінде 20 тоннадан астам алманы өткізбей қойды. Алманың өсірілген елі – Қазақстан Республикасы екені тауардың ілеспе құжатымен расталған.
"Ресей азаматы фитосанитарлық қауіпсіздігін растайтын тиісті сертификаты жоқ өнімді тасымалдамақшы болды. Заң бұзушының айтуынша, алма Новосібір қаласында саудаланбақшы болған", – деп хабарлады ресейлік мекеменің баспасөз қызметі "Казах-Зерно" агенттігіне.
Заң талаптарына сәйкес алманы тасымалдауға тыйым бар. Фитосанитарлық қаупі жоғары, карантиялық тосқауыл қойылған өнім Қазақстанға кері қайтарылды.
Мамандар атап өткендей, биылғы жылдың басынан бері Алтай өлкесі мен Алтай Республикасы бойынша Россельхознадзор басқармасының инспекторлары өсімдік карантині саласындағы заңды бұзу себебінен Қазақстанға карантинге жататын 4,7 мың тонна өнім тиелген 319 көлікті кері қайтарған.
