Қостанай облысының Рудный қаласында "Соколов-Сарыбай тау-кен өндірістік бірлестігінің" ЖЭО қазандығында апат орын алды, деп хабарлайды облыстық төтенше жағдайлар департаментіне сілтеме жасаған "Интерфакс-Казахстан".
"6 желтоқсанда сағат 15.30-да Рудный қаласының өндірістік аймағындағы "ССТКӨБ" АҚ ЖЭО қазандығында, 3-қабатта редукциялық-салқындату қондырғысының төмен бөлігі жарылған", – делінеді ведомство таратқан хабарламада.
Апат салдарынан кәсіпорында еден жуушы болып жұмыс істейтін 1972 жылы және 1971 жылы туған екі әйел қайтыс болды.
"Адамдар қауіпсіз жерге көшірілді (ЖЭО жұмыскерлері мен мердігерлер – (Қарағанды құбыр-механикалық зауыты). Апат ЖЭО-ның жұмысына әсер еткен жоқ. Нысан штаттық режимде жұмыс істеп тұр", – делінеді хабарламада.
Апатты жоюға 11 техника мен арнайы қызметтердің 39 адамы жұмылдырылған.
"Қазіргі таңда комиссия құрылды. Біздің мамандар кәсіпорында жұмыс жүргізіп жатыр", – делінеді баспасөз баянында.
