Рудныйда мас тұрғын спорт алаңындағы жасөспірімдерге шабуыл жасады, деп жазады inbusiness.kz ng.kz порталына сілтеме жасап.
Ресурстың жазуынша, оқиға 10 қыркүйек күні Ленин көшесі, 177 мекен-жайындағы үйдің жанында болған. Шамамен 13 жастағы балалар футбол ойнап жүрген кезде спорт алаңына мас тұрғын кіріп, допқа жармасқан.
Жасөспірімдердің ата-аналарының сөзінше, олардың балалары алаңнан кеткісі келген.
"Алайда ер адам бір баланы қуып жетіп, оған жұдырығын ала жүгірген. Бала мидың шайқалуымен ауруханаға жатқызылды, бүгінде дәрігерлердің бақылауында", - деп хабарлады балалардың ата-аналары.
Қостанай облыстық полиция департаменті оқиғаның мән-жайын анықтап жатқанын жеткізді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
