Рудный қаласы әкімдігінің баспасөз қызметінің хабарлауынша, 19 қаңтар күні сағ. 10.30-да Горняков көшесіндегі диаметрі 530 мм болатын жылу трассасында жарылыс болды, деп жазады inbusiness.kz "Наша газета" порталына сілтеме жасап.
"Жылудан ажыратуға 24 үй, жеке сектордағы 59 үй, заңды тұлғалар – 16 ғимарат жатады. Бүгінгі таңда жарылыстың орны анықталып жатыр. Одан кейін "Рудный жылу желілері" ЖШС авариялық бригадаларының күшімен қысқа мерзім ішінде жұмыстар жүргізілетін болады", - делінген әкімдік таратқан ақпаратта.
Айта кету керек, бұл жылыту маусымы басталғалы бері Рудныйда болған бірінші апат емес. 10 желтоқсан күні Дзержинский-Горький көшелерінің қиылысындағы суық су құбыры жарылған болатын. Ал, 30 қараша күні қаладағы тұрғын үйлер мен мектеп жылусыз қалды.
