Румынияның басқарушы коалициясы сейсенбі күні жаңа үкімет құрамын таныстырды. Социал-демократиялық партияның мүшесі Сорин Гриндяну құрған жаңа кабинетке 27 адам еніп отыр. Оның төртеуі Либералдар мен демократтар альянсының мүшесі болса, 23-і СДП мүшесі.
Басқарушы коалиция жариялаған тізімге сәйкес, үкімет басшысы тағына кандидатурасын президент Клаус Йоханнестің өзі алып тастаған Севиль Шайдех вице-премьер және аймақтық даму министрі қызметін қоса атқарады. Либералдар мен демократтар өкілі Даниэль Константин вице-премьерлікпен қоса қоршаған ортаны қорғау министрі қызметін атқаратын болды. Жаңа үкіметтің құрамында сегіз әйел министр бар, деп жазады Синьхуа-Ресей жаңалықтары.
Күн тәртібінде қарастырылғандай, 4 қаңтарда парламенттің тиісті комиссияларында тыңдаулар және тағайындалған премьер-министр мен кабинеттің өзге мүшелеріне сенім вотумына дауыс беру өтеді.
Естеріңізге сала кетейік, Румыния парламентінің сайлауы 11 желтоқсанда өтті. Парламентте басым орынға ие болған СДП, ЛДА-мен бірлесіп басқару жөнінде келісімге қол қойды.
