Шымкенттегі мамандандырылған ауданаралық қылмыстық істер жөніндегі сотта қала әкімінің орынбасары Руслан Берденовке қастандық жасау ісі бойынша басты сот процесі басталды, деп хабарлайды inbusiness.kz сайты.
Сот жәбірленушінің сот отырысына жеке қатысуын қамтамасыз етуді тапсырған болатын. Алайда бүгін Руслан Берденов сот залында жоқ. Оның ресми өкілі Берденовтің қазіргі уақытта ауруханада жатқанын мәлімдеді. Ол аяқ пен кеуде тұсындағы ауырсынуға шағымданған. Тамыз айында оған қайта ота жасалуы жоспарланып отыр.
Айта кетейік, 31 жастағы Ернар Жиенбайға Қазақстан Республикасы Қылмыстық кодексінің екі бабы бойынша айып тағылып отыр: 24-баптың 3-бөлігі ("Қылмысқа дайындалу және қылмысқа оқталу") және 99-баптың 1-бөлігі ("Адам өлтіру").
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
